عـلـى هـامــش الـبـيـعــه

(1)
احـكــمــونــا طـــول حــيــاتـكــم
احــكـــمــــونــــا ألــــف عــــــام
عـمـر مـا نـعــارض جـنــابـكـــم
لـــو بـكــلـــمــــه فــى الــزحـــام
بـس يـبــقـــى الــعـــقــــد بـيـنـّــا
لـــه كــــرامــــــه واحــــتـــــرام
يــبــقــــى أول بـنـــــد مـــنـــــــه
مـــجـــانــيـــــه فـــى الــعــــــلام
أصـل تـعَــلــيــــم الـــزمــــان ده
حــاجـــه تــرهـــق فــى الأنــــام
(2)
احـكـمــونــا راح نــصـــونـكــــم
راح نـحــيـطــكـــم بــالــسـيـــاج
راح نــنـــــوّر فـــى دروبــكـــــم
ألــــف شـــمـــعــــه أو ســــراج
راح نــصـنّــع مــن دمــوعــنـــا
مــن عـــيــــونّــا أحــلــى تـــاج
بـس حــتـعــاهــدوا الــغـــلابـــه
يـبـقــى لـيـهـــم فــى الــخـــراج
والـلــى بـيـمـــوت الـنـهـــارده
يــبــقــى لــه حـــق الــعــــلاج
(3)
احــكـــمــــونــا راح نـبــايـــع
مـالـنــا غـيــركــم مــن دلــيــل
راح نــطــاوع فـى كـلامــكـــم
طــاعــه مــالـهــا مــن مـثـيــل
تـخــرجـوا سـاعــة سـكــاتـنـــا
تــلــهــبـــونــا بــالــصــلــيـــل
تـرفـعـوا راسـنــا ف سـمــانـــا
والــعَـــــدو هــــوه الــذلــيــــل
راح نـبــايـــع عــالــشــهــــاده
لـــو نــحـــارب اســــرائــيــــل
(4)
احــكــمــونــا نـبـنـــى لـيـكــــم
قــصــر عــالــى أو صــــروح
وانـفــخــوا ســاعـــة مـمـاتـنـــا
بــالـــكـــرامـــه فــيــنــــا روح
حاربـوا خلـّوا الطبقـه وسـطــى
تـشــفـــوا أوجـــاع الــجـــروح
مـانتـوا عـارفـيــن الـحـكــايـــه
لـــو حــنــيــجـــى أو نـــــروح
رجــعــــوا حـــق الــغـــلابــــه
واحـكـمــونــا عــمــر نــــــوح
(5)
احــكـــمــــونـــا ألـــف مـــــره
عـــقــــــد بــيــنّـــا نـــفــــــذوه
تـلـغــوا قــانـــون الــطـــوارئ
والـلـى مـســجــون تـخـرجــوه
والـلـى يـكتب فـى الـصـحـافــه
مهـمــا يـكـتـب ... كـــرمــــوه
والـلـى يخـرج فى مـظـاهـــره
حــقـــه أوعـــوا تـمــنــعـــــوه
والـلـى حـيعـذب ف مـصــرى
يـبــقــى خــايـن واعــــدمــــوه
واحــكــمــــونـــا ألـــف مــــده
أو حــفـــيـــــدى احــكـــمــــوه
(6)
إحـكـمــونــا مــش مـعـــارض
مـش مـغـــالــى فـى الــعــنـــاد
إحـنـا نـبـقـى الـشـعـب لـيـكـــم
وانـتــوا حـتـجـيـبــوا الــمـــراد
الـبـلــد حــالـهـــا بـيـصـعــــب
فــيــهـــا نــاس زى الــجــــراد
يــبــقــى لازم حــل حـــاســــم
تــقــطــعـــوا إيـــد الــفــســــاد
واحـكـمــونــا مــش مـمــانـــع
بــعــــدكـــم يــبــقــى الـــــولاد
(7)
إحــكــمـــونـــا راح نــخــلـّــى
فـوق قصــوركـم مـنـا هــالـــه
واذكـــروا دايــمــا يــا ســــاده
الـشـبــاب عــايــش بــطـــالـــه
يـعـنـى مـرمـى عــالـقـهـــاوى
والا ّ مــرمــى فـى الــزبــالـــه
إنـمــا سـهـلــه احــكــمـــونــــا
راح نـــوفــق مـش مــحــالـــه
انـتــوا طـالـبـيـن الـكــراســـى

واحـنــا طـالـبـيـن الــعـــدالـــه